Vlora Mjekiqi-Kabashi jep dorëheqje nga LDK-ja, mandatin do ta vazhdojë si e pavarur
Vlora Mjekiqi-Kabashi, asambleiste në Kuvendin Komunal të Obiliqit, ka njoftuar dorëheqjen e parevokueshme nga të gjitha detyrat dhe funksionet që ka mbajtur në Lidhjen Demokratike të Kosovës.
Ajo ka bërë të ditur se mandatin e saj në Kuvendin Komunal do ta vazhdojë si asambleiste e pavarur.
Largohet edhe nga drejtimi i Forumit të Gruas
Përmes një postimi publik, Mjekiqi-Kabashi ka treguar se përveç pozitës së asambleistes, ka qenë edhe kryetare e Forumit të Gruas të LDK-së në Obiliq dhe delegate në Kuvendin Zgjedhor të partisë.
Ajo ka bërë të qartë se dorëheqja përfshin të gjitha këto funksione.
Vendimin e lidh me qëndrimin ndaj UÇK-së
Mjekiqi-Kabashi ka thënë se arsyeja e largimit lidhet me mospajtimin e saj me qëndrimin që, sipas saj, LDK-ja ka mbajtur ndaj çështjes së luftës së UÇK-së dhe zhvillimeve që lidhen me Dhomat e Specializuara.
“E vetëdijshme se Lufta e UÇK-së ishte luftë për liri, e mbështetur edhe nga SHBA-ja dhe NATO-ja, dhe e bindur se liria është më shumë se çdo përkatësi partiake”, ka shkruar ajo.
Mjekiqi-Kabashi ka shtuar se, sipas vlerësimit të saj, qëndrimi i LDK-së nuk përputhet me këtë parim dhe se për këtë arsye ka vendosur të largohet nga partia.
Vazhdoni në faqën tjetër…
