IRGC paralajmëroi se mund të synojë bazat amerikane në Lindjen e Mesme nëse Washingtoni ndërhyn për të ndihmuar cisternat të kalojnë në pjesë të tjera të ngushticës. “Ushtria amerikane duhet ta dijë se, nëse kjo prirje vazhdon, konflikti do të shtrihet edhe në bazat e saj në rajon”, theksoi organizata në një njoftim të publikuar në faqen Sepah News, duke e quajtur këtë “paralajmërim serioz”.
Irani pretendon se kontrollon Ngushticën e Hormuzit, një rrugë strategjike detare që para shpërthimit të luftës përbënte një e pestë të furnizimit botëror me naftë. Teherani shpesh sulmon anijet që përpiqen të lundrojnë në këtë ngushticë pa leje, ndërsa forcat amerikane po shoqërojnë një numër gjithnjë e më të madh anijesh në këtë rruge.
Presidenti amerikan, Donald Trump, deklaroi të enjten se “Irani po bën gjithçka që mundet për të rritur çmimin e naftës përpara zgjedhjeve të mesmandatit në SHBA”.
