Gani Geci është liruar nga paraburgimi pas intervistës në Prokurorinë e Shtetit, ku është hetuar për dyshimet e paraqitura në dosjen e Prokurorisë për kanosjen e gazetarit Lirim Mehmetaj.
Avokati Besnik R. Berisha ka konfirmuar lirimin e tij për Gazetën Sinjali. Sipas dosjes, hetimet lidhen me një postim në Facebook të Mehmetajt, i cili kritikon deputatin Fatos Geci. Gani Geci dyshohet se e kishte kanosur gazetarin, duke i kërkuar që ta ndryshonte ose ta heqë përmbajtjen e postimit.
Detajet e plota të hetimit, përfshirë motivet dhe provat konkrete, nuk janë publikuar ende nga autoritetet. Rasti vazhdon të jetë në fazë hetimore.
