Tre persona humbën jetën dhe të paktën 15 të tjerë plagosen pas një shpërthimi të fuqishëm që tronditi qendrën e Moskës, pranë kafenesë në sheshin Kudrinskaya, një nga zonat më të frekuentuara të kryeqytetit.
Sipas agjencisë shtetërore ruse TASS, shpërthimi ishte aq i fortë sa dëmet u shfaqën në një pjesë të konsiderueshme të zonës përreth, duke shkaktuar panik mes kalimtarëve dhe klientëve të lokaleve. Menjëherë në vendngjarje mbërritën dhjetëra ambulanca, zjarrfikës dhe forca të Ministrisë së Brendshme, të cilat rrethuan zonën dhe nisën evakuimin e qytetarëve.
Ministria ruse e Shëndetësisë konfirmoi se të gjithë personat e lënduar janë transportuar në spital, ku po marrin trajtim mjekësor. Disa prej tyre kanë pësuar lëndime serioze dhe ndodhen nën kujdes intensiv.
Hetimet për të përcaktuar shkakun e shpërthimit janë në vazhdim. Deri tani autoritetet nuk kanë konfirmuar nëse ngjarja ishte aksident apo akt i qëllimshëm, dhe kanë kërkuar që publiku të mos spekulojë derisa të përfundojnë ekzaminimet në vendngjarje.
Vazhdoni leximin në faqen tjetër për më shumë detaje.
