Bekim Sejdiu reagon pas deklaratave të Kurtit: “Jam tërhequr nga gara, i kam njoftuar të gjithë”
Bekim Sejdiu ka reaguar pas deklaratave të kryeministrit Albin Kurti, i cili gjatë konferencës së sotme e përmendi sërish emrin e tij në kontekstin e zgjedhjes së Presidentit të Kosovës.
Sejdiu ka bërë të ditur se e ka njoftuar si kryeministrin Kurti, ashtu edhe drejtuesit e LDK-së, se nuk është më pjesë e garës për kreun e shtetit.
“Nuk jam pjesë e këtij procesi”
Sejdiu ka deklaruar se vendimi i tij për t’u tërhequr nga gara është i qartë dhe se këtë ua ka komunikuar palëve politike të përfshira.
Sipas tij, ai kishte hyrë në proces në fillim të shtatorit, në kuadër të një marrëveshjeje ku LDK-ja do ta propozonte, ndërsa LVV-ja do ta mbështeste.
Por pasi kjo marrëveshje nuk arriti të prodhojë votat e nevojshme, Sejdiu thotë se e konsideron veten të tërhequr nga gara.
Kurti e përmendi sërish emrin e tij
Reagimi i Sejdiut erdhi pasi Kurti deklaroi se Bekim Sejdiu vazhdon të jetë emri që LVV-ja e konsideron kandidat në kuadër të marrëveshjes së mëhershme.
Megjithatë, deklarata e Sejdiut e bën të qartë se ai vetë nuk e konsideron veten pjesë të procesit aktual.
Afati përfundon sonte
Situata politike është edhe më e ndjeshme pasi mesnata e sotme është afati i fundit për zgjedhjen e Presidentit.
Vazhdoni në faqën tjetër…
