Marjana Koçeku, nga kandidatja e përzgjedhur nga Rama te protestat që kërkojnë dorëheqjen e tij
Vetëm një vit më parë, Marjana Koçeku ishte mes të rinjve të përzgjedhur nga kryeministri Edi Rama për të kandiduar për Kuvendin e Shqipërisë nën siglën e Partisë Socialiste.
Sot, 25-vjeçarja është deputete e pavarur dhe i është bashkuar protestave studentore që po kërkojnë dorëheqjen e Ramës, në një prej periudhave më të tensionuara politike në Shqipëri gjatë viteve të fundit.
Nga “fytyrë e re” e PS-së në deputete të pavarur
Koçeku ishte prezantuar si pjesë e brezit të ri që synonte të sillte figura të reja në politikën shqiptare.
Por marrëdhënia e saj me Partinë Socialiste nuk zgjati.
Ajo tashmë ushtron mandatin si deputete e pavarur dhe këtë javë u pa mes protestuesve të rinj që kanë dalë në rrugët e Tiranës.
Në deklarimet e saj, Koçeku ka shprehur pakënaqësi me politikat e qeverisë, veçanërisht me çështjet që lidhen me mjedisin, territorin dhe mënyrën se si ajo mendon se duhet të menaxhohen interesat publike.
Protestat marrin përmasa të mëdha
Protestat studentore janë zgjeruar gjatë ditëve të fundit, ndërsa kërkesat e pjesëmarrësve nuk lidhen vetëm me arsimin.
Në mesin e shqetësimeve të ngritura janë korrupsioni i pretenduar, mungesa e vendeve të punës, kostot e larta të jetesës dhe pakënaqësia me mënyrën e qeverisjes.
Në disa momente protestat janë shoqëruar edhe me dhunë, përfshirë hedhjen e gurëve, dëmtimin e pronës dhe përplasjet me Policinë.
Autoritetet kanë dënuar aktet e dhunës dhe kanë bërë thirrje që demonstratat të zhvillohen në mënyrë paqësore.
Vazhdoni në faqën tjetër…
