I dyshuari për vrasjen e djalit të tij 29-vjeçar, e cila ndodhi më 11 tetor në fshatin Pogragjë të Gjilanit, vazhdon të jetë në arrati. Zëdhënësi i Policisë për Rajonin e Gjilanit, Ismet Hashani, ka konfirmuar se i dyshuari Ramiz Arifi ende nuk është arrestuar nga organet e rendit.
Sipas informacioneve paraprake, viktima Bajram Arifi u qëllua për vdekje me armë zjarri rreth orës 19:30. Pas ngjarjes tragjike, i dyshuari dyshohet se është larguar nga vendi i ngjarjes me një veturë të tipit Suzuki.
Autoritetet policore po vazhdojnë kërkimet intensive për lokalizimin e të dyshuarit, ndërkohë që hetimet për zbardhjen e plotë të rrethanave të këtij rasti janë duke vazhduar.
