Prishtinë: Çifti shihet në një veturë në hapësirë publike, pamjet tërheqin vëmendje
Një situatë e pazakontë është raportuar në Prishtinë, ku një çift është parë brenda një automjeti të parkuar në një hapësirë të ekspozuar ndaj kalimtarëve.
Pamjet, të dërguara në redaksinë e Perspektiva24, tregojnë çiftin brenda një veture me targa 01, në një lokacion ku sjellja e tyre mund të vërehej nga personat që ndodheshin përreth.
Rasti ka tërhequr vëmendje për shkak se bëhet fjalë për një veprim të kryer në një hapësirë të hapur ndaj publikut.
Në Kosovë, sjelljet seksuale në vende publike mund të trajtohen sipas dispozitave të Ligjit për Rendin dhe Qetësinë Publike. Neni 6 i këtij ligji përfshin “sjelljet e pahijshme seksuale” në kuadër të veprimeve që mund të cenojnë rendin dhe qetësinë publike.
Sipas dispozitave të përmendura, në rastet kur një akt seksual kryhet në vend publik dhe shkakton shqetësim te qytetarët, parashihen masa ndëshkuese që mund të përfshijnë gjobë prej 100 deri në 700 euro ose burgim deri në 50 ditë.
Megjithatë, zbatimi i këtyre dispozitave varet nga rrethanat konkrete të secilit rast dhe nga vlerësimi i institucioneve kompetente.
